အနုပညာနှင့်အတတ်ပညာ

ကျနော်တို့ သိရမှာက အနုပညာဆိုတဲ့ ဝေါဟာရစကားလေးပါပဲ၊ အနုပညာမြောက်တယ်၊ အနုပညာဝါသနာပါတယ်၊ အနုပညာစိတ်ရှိတယ်၊ အနုပညာလေ့လာလိုက်စားတယ်၊ အနုပညာရှင် စသည်အားဖြင့် အနုပညာနဲ့ပတ်သက်တဲ့ ၀ိသေသနတွေ အများကြီးတွေ့ရပါတယ်၊
အထက်ပါဝိသေသနစကားလုံးနဲ့ အနုပညာဆိုတဲ့ ဝေါဟာရကို တွဲသုံးလိုက်သောအခါ အနုပညာဟာ သီးခြားလူအဖွဲ့တစ်ခုနဲ့သာ သက်ဆိုင်တယ်လို့ ယူဆရမလိုဖြစ်နေပါတယ်၊


အနုပညာလို့ဆိုလိုက်တာနဲ့ မင်းသားမင်းသမီးတွေကို မြင်ရောင်မယ်၊ သဘင်သည် ပန်းပုဆရာ ပန်းချီဆရာတွေကို မြင်ရောင်မယ်၊ အဆိုတော်တွေ အတီးအမှုတ်သမားတွေကို မြင်ရောင်မယ်၊ ဒါက ထင်ထင်ရှားရှားမြင်နိုင်တဲ့အရာတွေဖြစ်ပါတယ်၊
ဝါသနာသည် လူတစ်ယောက်၏ သင်ယူလိုစိတ်ကို နှိုးဆွပေးသည်ဟုဆို၏၊ လူဖြစ်လာ သည်နှင့် သင်ယူရခြင်း ဆိုတဲ့ အတတ်ပညာက အတူတကွပါလာ၏၊ ထိုသင်ယူခြင်းအတတ် ပညာသည် အနုပညာတစ်ခုပင်ဆိုနိုင်၏၊ ထို့ကြောင့် အနုပညာသည် လူသားတိုင်း၏ နှလုံးအိမ်၌ အစကတည်းက ဖြစ်တည်နေသော ပညာရပ်တစ်ခုဖြစ်သည်။
အနုပညာသည် လောကတွင် အပြုသဘောဆောင်သောအသွင်ဖြင့် တည်ရှိနေသည်၊ တကယ့်အနုပညာ၏ဂုဏ်သတ္တိသည် သေသပ်စွာလုပ်ကိုင်လိုခြင်း၊ ဦးနှောက်အသိဉာဏ်ဖြင့် တီထွင်ဖန်တီးလိုသောဆန္ဒတိုးပွားလာခြင်း၊ အလှတရားကိုချစ်မြတ်နိုးတတ်ပြီး လောကကို ချစ်စရာကောင်းအောင် ဖန်တီးစောင့်ရှောက်လိုခြင်းတို့ဖြစ်သည်။
နောက်ထပ်အနုပညာ၏အရည်အသွေးတစ်ခုကတော့ အမှန်တရားကို ချစ်မြတ်နိုး တတ်ခြင်း ပင်ဖြစ်သည်၊ သို့ဆိုလျှင် လောက၌ အနုပညာလွမ်းမိုးလေ လောကကြီးသာယာ ငြိမ်းချမ်းမှုရှိလေဟုဆိုလျှင် ထိုစကားမှန်သလော့၊ ဟုတ်ကဲ့ ထိုစကားမှန်သင့်သလောက်တော့ မှန်၏၊ သို့သော် လက်နက်ငယ်ကအစ အနုမြူလက်နက်တို့အဆုံး လူသားတို့ ဖန်တီးလိုက်သော အတတ်ပညာသည် လောကကြီးသာယာငြိမ်းချမ်းအောင်မလုပ်နိုင်သေးသည်မဟုတ်လော၊ လုပ်ကောလုပ်နိုင်ပါမည်လော၊ ထိုသို့သံသယရှိအံ့၊ ဤနေရာ၌ အနုပညာနှင့် အတတ်ပညာကို ရေရေလည်လည်ခွဲခြားရပေတော့မည်၊ အနုပညာသည် အထက်ဆိုခဲ့သည့်အတိုင်း သူ၏ဂုဏ်သတ္တိတွေကို သေချာစဉ်းစာလျင် အတတ်ပညာနဲ့အနုပညာတို့ မတူညီတဲ့အချက်တွေ ကို ခွဲခြားလာနိုင်မည်ဖြစ်သည်။
အနုပညာမှာ ဦးနှောက်အသိဉာဏ်ဖြင့် တီထွင်ဖန်တီးလိုခြင်းမှအစ အမှန်တရားကိုချစ်မြတ်နိုးခြင်းအဆုံး ဂုဏ်အင်္ဂါတို့ဖြင့် ပြည့်စုံရမည်ဖြစ်သည်၊ အတတ်ပညာတွင် အနုပညာလက်ရာတို့ပါဝင်နိုင်သော်လည်း ဖန်တီးသူတို့ရဲ့ရည်ရွယ်ချက်အတိုင်း လိုက်ပါရသည် အားလျော်စွာ အတတ်ပညာသည် လူသားတို့၏နှလုံးသား၌ အနုပညာလောက် နုညံ့သိမ်မွေ့စွာ နေရာမယူနိုင်ဖြစ်နေသည်၊ အတတ်ပညာသမားတို့သည် အသိပညာဖြင့် လောကကြီးကို အနု ပညာမြောက်စွာဖန်တီးနိုင်လျင် ကျနော်တို့နေထိုင်ရသော ဤလောကကြီသည် သယာပျော်ရွှင် ဖွယ် သုခဘုံတစ်ခုကဲ့သို့ လူတိုင်းအေးချမ်းစွာနေနိုင်ကြမည်ဖြစ်သည်၊ အထက်နဲ့အောက်၊ ချမ်း သာခြင်းနဲ့ဆင်းရဲတို့ ကမောက်ကမ မဖြစ်တော့ပဲ လူသားတိုင်း ကိုယ်ပိုင်လူ့အခွင်းရေးများ ခံစား ရမှာအမှန်ပင်ဖြစ်သည်၊
အနုပညာလက်ရာတစ်ခုဟာ လက်တွေ့ဘ၀နဲ့ သိပ်တင်းကွာလွန်းနေရင်
အခြားသူတွေကို ဆက်သွယ်ပြောကြားဖို့ မဖြစ်နိုင်တော့ဘူး၊
(ဒန်မက်ကော)
အရာရာကို လုပ်ဆောင်လို၊ ဖန်တီးလိုသောအခါ လက်ရှိလူသားတို့ ခံယူထားသောဘ၀နှင့် ကိုက်ညီမှုရှိမရှိဆိုတာလည်း ထည့်စဉ်းစားရပြန်ပါသည်၊ လူသားတို့၏အတွေးအခေါ်သည် အချိန်နှင့်အမျှပြောင်းလဲတိုးတက်နေသောအခါ အတတ်ပညာနှင့်အနုပညာတို့၏ နယ်ပယ် သည်လည်း လူသားတွေရဲ့ အတွေးအခေါ်နှင့် ဘ၀အခြေအနေကို လိုရာလိုက်ပါပေးနိုင်သော
မျဉ်းဘောင်တစ်ခုရှိဖို့တော့လိုလိမ့်မည်၊ ကိုယ့်အတတ်ကို ကိုယ်လိုရာပြဌာန်းပြီး လုပ်ချင်သလိုမ ဟုတ်ပဲ အနုပညာမြောက်စွာ လုပ်နိုင်လျှင် မိမိဖန်တီးလိုက်သော အရာတွေဟာမိမိထံသို့ သိမ်မွေ့ခြင်း၊ နက်နဲစွာဝမ်းသာခံစားရခြင်း ပျော်ရွှင်ငြိမ်းချမ်းခြင်းစတဲ့ အားအင်တွေ အလိုလို ကိုယ့်ထံမှောက်ရောက်ရှိလာနိုင်မယ်ဆိုတာ ယုံကြည်မြင်မိပါတယ်။

စောနေမျိုး(ဒုံးယိမ်းမြေ)