ယု္


ယု္ဏင့္ဆာ. ယု္အဲဟွးဟွ၀္၊
ယု္ဆုိဒ္ဏွ္ ယု္အဲေ၀့ဍ၀္၊
ယု္ထူရူ့ ယု္အဲတ၀္တ၀္၊
ယ္ုဆု္ခႜာင္ ယု္အဲယု္လ၀္၊
ယု္လိက္ဏွ္ ယု္အဲယု္ပ၀္.၊
ယု္ထီ့ခါန္. ယု္အဲလုက္က၀္၊
ယု္ထီသုိ၀္ ယု္အ‎ဲသၞ၀့္။

ဏင့္ဆာ.- ဆုိဒ္- ထူရူ- ဆု္ခႜာင္၊
လိက္-ထီ့ခါန္.-ထီသုိ၀္ နုိဲစာင္၊
ဟု္မာဆုိင္ေ႓့မု္ဍဳဂ္ပါင္၊
ပညာ့ေဃွံ ဏွ္ ဟု္႓းကႜာင္၊
ဆံင္းမံင္းထာင္ စွ္ဆံင္းမံင္းထာင္၊
စွ္ဆံင့္မံင္း ေယာ၀္လာ.ေအယာင္၊
႓းဍံင္ဟု္ထင္း ေခါဟ္လံင္႓ႜာင္၊
ေခါဟ္လံင္ေဍာဟ္ အွ္ေ၀့နဳိဲစာင္၊
ထင္းထံင္ဍင္ဍီး ဍးစုိ၀္ယာင္။




´ဆု္ယ၀္ခါ့´

ဆု္ယ၀္ခါ့ေခါ၀္.အုဂ္၊
ေခါ၀္.သုိဲ့ထင္းဟု္လံင္႓ုဂ္၊
လီဟွယ့္ပ် သူးသူး၊
လင္အွ္ကြယ္ သိင္းလာယွဴး၊
သင့္၀၀္ေဖါဟ္ ဟွင္းကုိ၀္၊
လု္သိင္းခီ့ ယ္ုဟွဳိင့္စုိ၀္၊
ကႜင္ကႜာင္းဖ၀့္ ႓င္ဖါင္း၊
နဳိင္မုိင့္ထင္း ဟု္သာစာင္း၊
ကု္တုဂ္စုိဲ ဟု္စာ္၊
ထီ့လု္အွ္ ကၞာ့သာ္၊
ယးအွ္ကုံ လု္နံင္း၊
မႝီဟ္သီး လင္အင္းကံင္း၊
ေဍာဟ္အင္းခႜံင္ ခြိက္ယွး၊
ဆင္းၾသဳဂ္ အင္းခြယ္ပ်၊
ေဆ၀္ေဍဖႜာင္ သာအင္း၊
သီ့လင္ထုက္ ယး႓းယွင္း။






မာလုက္၀ယ္

ဖႜဳံေဖါဟ္လု္၀ီ.
ထုင္းလီ.ထုင္းထာင္
အးစာင္အးဖႜဳံ
လု္ကံင္.ဆု္မာ
လုက္ခႜာလင္႓ုိင္
ဍးလုိင္လု္ယ၀့္
ပ၀္.သ၀့္ထၝံင့္
လံင့္ကံင္လုက္ေခႜ
လု္ေက၀္ေဍလိက္
လင္႓ိက္လုဂ္ခႜာ ဏိင္းလု္ယာ။
ပု္႓ုိ၀္ဏါင္းယုိ၀္
ဍးစုိ၀္လင္.ခါင့္
သာဟွာင့္စြးတယ္
ဖုက္ဖယ္ဏံင္သာ
ဆ္ုမာပၱံင္
ေက၀္ဟွံင္လိက္လာဲ
တု္ကႜယ္ေဍာဟ္လင္ ဃွဴ့ဃွင္မာေလာဟ္ဖႜဳံယွင္ေဖါဟ္။




ဖံင္းပႝာ.မိင္္

ဖံင္းပႝာ.မိင္ မု္ေလာဟ္ကုိဲ
ေဖါဟ္သးကုိ၀္ဟွာေဍ။
အွ္ကုံေထာ၀္ခါင့္မြာဲ၀ွ၀ွ၊
ကုိ၀္ဟွာခါခႜိက္ပ်။
စာင္းလင့္ေ၀့ဖ၀္.ေဍမု္ဖံင္း
ေဖါဟ္သးေယွာတ္ေမံကံင္း။
သ၀့္မာတယ္ေ၀့ ပီပူပါ၊
က်ဳဂ္ေလံ ေဍကုိ၀္ယွာ။
ေဖါဟ္သးဟွင္ေပ၀့္ဟွာင္လု္ထိုင့္
က်ဳဂ္ေလံပါကုိ၀္ဖုိင့္။
ေဖါဟ္သးလုက္ဆိင့္႓းထုင္က်ာ
ထီ့ဖါ.က်ဳဂ္လင္သာ။
နဳိင္ဖ၀္.နဳိင္ဖ၀္.ေဍဖု္အ၀္
ကုိ၀္ပါင္သုဂ္ယွ၀္ယွ၀္။




ဆုိဒ္ဆတၞဳိင့္ ဟွးသးေအခုိင့္

၁။ စွ္သာလုက္ေခႜ ထီ့ခါန္ေၿပဏွ္၊
ဖံင္ေဖႜ႓းသာ ကုက္ကုိ၀္ဟွာလွ္။
ေဟွ၀္အြာဆုိဒ္ဆ ဖံင္ေဖႜ၀္႓းဏွ္
ေဏ၀.္႓းလု္ဖိုင့္ ဖံင္းေအခုိင့္ဟွဟ္။
ပု္လုိင့္အးဖႜံင္ ေအဍးခံင္ဍ၀္
လံင့္ကံင္ကုိ၀္႓ႜင္ ခုိ၀္ပု္ဍင္လ။
ဃွဴဃွင္မူးခြါ့ မြာဲတုင္.ဆာ့ခ၀့္
လု္ယာ့တာ္ေခါဟ္ ဆုိဒ္ဖႜဳံေဖါဟ္သီး
ပါေဍာဟ္ယုဂ္ယာန္း ႓းတုင္ယွင္းလွ္။
မူ.ထင္းေလင္.၀၀္ ထာင္အးထ၀္ဏွ္
ေဆ၀္ယွ၀္.၀ါဖႜင္ လု္မုဂ္ဍင္ဏွ္
ဖုိင့္ဃွင္ဖံင္းထး ေအခုိင့္ဟွဟ္။

၂။ အွ္ပါမုက္ကုိဲ မာလာ ေဃွ၀္ဟွဟ္
လုက္ေခႜစွ္သာ လိက္ေဟွ၀္အြာအွ္
အးဖါအးစိင္ ထံင္လုက္ကႜိင္ဏွ္
ကုိ၀္မိင္မာေလာဟ္ ေသွ္ေအေဍာဟ္ထ၀့္
တာ္ေခါဟ္ဍဳဂ္ပါင္ ဖႜံင္အးစုိင္ယ၀့္။
႓ုဂ္ယာင္မိင္ဖႜဟ္ ပညာ ့အွ္ဍ၀္
ယွဴး႓ွ္ေဍက်ဳိင္ ဆု္ဟွယ့္ၿပဳိင့္သီး
ဖႜံင့္နဳိင္အးဆင့္ ဖႜာဲသယ္ဃွင့္အး
ဍဳံဌာန့္ဆု္မာ ဆုိဒ္ဟွင္.ခႜာခ၀့္
ထ႟ာေဖွ္ကဲ ဖႜံင့္ဟွးဖႜဲယ၀့္
ဍဳဂ္ဏဲလ၀္လင္ ပညာ့ဖါန္ဏွ္
အး႓ႜင္ဖံင္းထး ကုိ၀္ဖုိင့္ဟွဟ္။

၃။ ႓္ွ္လာ.ထုက္သုဲိ့ အင္းကုဂ္ဃွဳဲိဏွ္
ေဍာဟ္ေၿပဖုက္ကႜံင္ ၾသဳက္ထံင္သီး
ပၱံင္တာင္၀ယ္ ကဲဖုက္ဖယ္လွ္။
ကးဟွယ္လု္ဖႜဟ္ ေ႓့သာအွ္ဍ၀္
ေဍာဟ္ထ၀့္ဆု္မာ ဆုိဒ္ဟွာင္.ခႜာ႓၀့္
ေဟွ၀္အြာကုိ၀္စာင္ တာင္ဍဳဂ္ပါင္ယ၀့္
ေလ၀္ထာင္လု္ကး ထီသုိ၀္အးလ၀္ ဆု္ဍးအဲကုဲ
ေ႓့ေဖါဟ္လီဟွဟ္ သီ့ကႜီေယာ၀္.ဆုိင္
လု္လုက္ုလုိင္ဏယ့္ လုက္ဖုိင္မိင္ဖႜဟ္
ယွဴး႓ွ္ကုိ၀္႓ႜင္ ထုက္ေကာ၀္ၾကင္လွ္
သာယင္သံင္းထ လ၀္ဟွဳိင့္လွ္။

စ၀္အဲဆုိဒ္