တစ်ခါတစ်ခါ မျက်နှာကို အိုးမည်းသုတ်ခံလိုက်ရ
တစ်ခါတစ်ခါ အရင်းခံစိတ်ကို အရောင်ဆိုးခံလိုက်ရ
ကောက်ကျစ်မှုတွေရဲ့လှည့်ကွက်အောက်မှာ
ကကွက်အသစ်အဆန်းတွေ ကခဲ့ရပေါ့။
မွန်းကြပ်မှောင်မိုက်ညလယ်မှာ
မိုးလင်းခွင့်နဲ့အခါခါလွဲခဲ့ရ
အမှောင်ကို အမှန်နဲ့ဆေးကြောခွင့်မရတော့
အတိတ်ကအရသာနဲ့
ဘ၀ကိုခါးသီးစွာ ကျိုသောက်ခဲ့ရ ကျိုသောက်ခံလိုက်ရ
ကိုယ့်ကိုယ်ကနားမလည်နိုင်သေးတဲ့ရောဂါက
ဆေးဆရာမှားကို အားကိုးရင်း
သွေးသားများစွာကို စတေးခဲ့ရ။
ငါလိုချင်တာက လွတ်မြောက်မှု
ငါချစ်တာက အမှန်တရား
ငါကိုးကွယ်တာကသစ္စာ
ဒီဆာလောင်မှုတွေ ပြေပျောက်ဖို့
မျှတတဲ့ဆေးတစ်ခွက်ပဲလိုအပ်တယ်။
ဟှာင်.အဲဆိုဒ်
Sunday, July 20, 2008
ပျောက်ဆုံးနေသောဆေးတစ်ခွက်
Subscribe to:
Post Comments (Atom)
No comments:
Post a Comment